Forviskufífill

Hissa hvað er það
Hví svo máttvana ef mátt skyldi þyrsta
Hvenær kom sú þrá er þú sást þá
vonina birtast þér
þér og öllu hinu

Máttur er ferð ef þig skyldi þyrsta
Fló er lón í æðaeggjavarpi hvar sem nú er
Forviskufífil þú skalt finna við fjallsrætur arnar
6 leggja leið skaltu ganga á jafnmörgum stundum
Treysta því er á þig er lagt

Forvisku þarftu til að finna
Að þráin er þín í hjartanu ein
forviskan kallar til sinna
er jafnlangra dægra þú biður til mín
muntu mig finna

Þráin ó ástarþráin er vandað þval í forvisku heima minna
Þvölin er þrá
Þráin er vit

 Viskukornið er hafið
Þú ert allt sem er og verið hefur
Að eilífu ást

Veraldarvakning er hafin
Vitund okkar færist þéttofnar
Sameiningin
Sameinar hjartabrotin í eitt
Sundrungin er farin
Við fléttumst öll í eitt
Við erum ást

"Guðskynjun"

Nýlega sá ég nokkra mjög áhugaverða heimildamyndaþætti úr seríu sem kallast á ísl "Gegnum ormaholuna" og er þáttaskýrandi Morgan Frímann, sem setur skemmtilegan vinkil á þættina

Í einum þá er fjallað um svokallaða "Guðskynjun"  sem er besta lýsingarorðið sem ég fæ þýtt, en lýsir einmitt því ástandi sem fólk getur upplifað og er best lýst sem tengingu við guð, almættið, eininguna eða hvað sem við kunnum að kalla það

Vísindamaður einn hefur varið miklum vangaveltum í að rannsaka "Guðskynjun" og í gegnum starf sitt sem sérfræðingur, rannsakað heilann og komist að þeirri niðurstöðu að hægt sé að kortleggja svæði í heilanum sem virkast við þessa tengingu við eininguna, guð...
Rannsóknin hefur verið margreynd og felst í að fylgjast með heilalínuriti hjá sjálfboðaliða sem er ein í myrkvuðu, einangruðu herbergi með bundið fyrir augun og slappar af í þægilegum stól
Sjálfboðaliðinn staðfestir það sem heilalínuritið sýnir, en hún sagðist hafa upplifað óvænta tengingu við þessa miklu tengingu

Það áhugaverða við þetta er sú hugmynd um að guð, einingin... búi innra með okkur, hverju og einu
Þessa tengingu má sækja því að hugleiða, biðja eða jafnvel einungis staldra við einn andardrátt og tengja

Mannfólkið glímir í dag við stærstu spurningar lífsins, við veltum fyrir okkur hvað er ég, hvaðan er ég og hvað er ég? Við förum öfganna á milli, eigum ekkert en viljum allt
Og er eitthvað að fara að bjarga okkur þegar yfir líkur, jafnvel einhver til að leita til í daglegu lífi, eitthvað sem tekur við, einhver sem dæmir?
"Ef þú finnur þörf fyrir að benda og dæma annann, líttu þá á hendina sem bendir og vittu hvað margir fingur benda á þig"

Að leita innávið, benda skynfærunum innávið og draga andann djúpt, þá gerist eitthvað
Örvun verður á tilteknu svæði í heilanum, það ljómast upp, virkjast
Þessi tenging er kunnug fjölda fólks, jafnvel öllum, vonandi

Í þannig ástandi verður allt skýrt, áhyggjulaust og einfalt
þannig má virkja vitund sína til að vera vakandi
Hver og ein mannvera upplifir sína sérstöku tengingu við guð, orkuna...
Því við sjáum öll með sitthvorum skynfærunum
margir tengja líka við sannleika annarra og njóta allra hliða
virða að öll höfum við rétt á eigin upplifunum

Guðskynjun er einning tengt við sjötta skilningarvitið, sem augljóslega tengist þriðja auganu sem tengist innsæinu og inn að heilaköngli


Í 3.sútru Patanjali segir "Tada Drishthuhu Swarupe Avasthanam" sem myndi útleggjast á ensku sem Then the observer sees the state of its own nature - sá sem fylgist með skilur sitt eigið eðli"
Í útskýringum á þessari sútru er gjarnan notað dæmið um að í myrkrinu geti kaðall litið út eins og snákur - Hér er þá átt við að óttinn skapar hræðslu við einhverju sem ógnar öryggi okkar

Óttinn heldur mörgum í höftum, hræðslan kemur líka í veg fyrir að annars góðhjartað fólk stígi upp fyrir náunganum í nauð

En við hvað erum við hrædd og hverju þurfum við að láta bjarga okkur frá...

Innávið býr allt sem er svaravert
Góð leið til að beina skynfærunum innávið og rannsaka guðskynjun, er að koma sér fyrir eða staldra við standandi/sitjandi, helst á friðsælum stað og jafnvel loka augum, anda djúpt og byrja að fylgjast með 

ein <3

ada Drishthuhu SwarupeavasthanamA

Sutra 3. Tada Drishthuhu Swarupeavasthanam
Tada = then
Drishthuhu = the observer
Swarupe = own nature
Avasthanam = the state
Then the observer sees the state of its own nature
Here Patanjali explains that after a diligent yoga practice the practitioner is able to see its true nature.
The observer means the real self. We mostly believe that we are our body, our name, our ego or personality, some even believe that we are our mind, for example lets see the conversation between a teacher and a student:
- See more at: http://www.arhantayoga.org/blog/yoga-sutra-of-patanjali-sutra-3/#sthash.BQL6SZGD.dpufÁ tímum tækni og vísinda, tvíhyggju og þar fram eftir... er vert að veita sér þó ekki væri nema eina stund, öðru hverju til að tengja, anda djúpt og sleppa takin

að vilja upplifa allt

Í vikunni upplifði ég fyrsta í skipti forna hefð frumbyggja frá Vínlandi, en ættbálkarnir hafa viðhaldið sér frá tímum þess er numið var land þar!
Það var heiður að upplifa þær sögur sem þau fluttu, sögur um dans, sköpunm vináttu, orku, anda, ást, dauða og fékk mig til að spá í hvernig sögur ég vil upplifa, lifa

Fékk þá draumkenndar, hugútvíkkandi myndir af raunverulegum... algerlega dásamlegum stöðum til að upplifa lífið á !
(sjá á http://www.buzzfeed.com/peggy/places-youd-rather-be-sitting-right-now/ )

Eftir að hafa litið lengi á myndirnar sat eftir hugsun:
"ef við erum öll sammála um að við myndum umfram allt vilja á svona stöðum, getum við þá skapað þannig heim í sameiningu!"  ... ég vona svo sannarlega að við séum öll, innst inni, til í að sameinast um slíkan veruleika


Núna streymir inn orka af fullu tungli sem er góður tími fyrir að taka meðvitaðan dans, spangóla og finna litla indijánan í sér :)

ég ætla að heimsækja þessa staði í huganum

<3

00:01

Til að svara mörgum spurningum sem eru að berast mér: 
Ef fleiri sáu, heyrðu eða upplifðu umferð og virkni á himnum nú í kvöld og önnur undanfarna mánuðu, í kring um nýtt og fullt tungl ( () ) 
Þá er ljóst að það er greinilega mikið í gangi
innra með okkur og í umhverfinu allt um kring
Sast niður og hugsaði mig um

Kom þá til mín setning frá hugsuði miklum

“Sometimes people don't want to hear the truth because they don't want their illusions destroyed.”

― Friedrich Nietzsche

Nú finnum við öll að eitthvað er að breytast í lífi okkar
Stórar spurningar liggja fyrir hjá okkur
Þær munu hrjá okkur
ef við leitumst ekki eftir að finna svörin
sem við þráum að skilja
Hver er ég? Hvar er ég ? Hvað er ég ?

Leitið ykkar sannleika
ávallt í friði og kærleika
Með innsæið ykkar að leiðarljósi
Því það mun á endanum leiða okkur öll saman
sameinuð á ný

Nú er svo komið að himininn er að opnast upp fyrir okkur, jarðtengið ykkur, hugleiðið fyrir kærleika og frið
Alheimurinn kemur í frið, okkar hlutverk er að taka á móti
og læra að hlúa betur að því sem okkur er gefið
Tökum á móti í skilyrðislausum frið

Já það eru miklar breytingar í vændum, við höfum öll fundið það á okkur
Já það eru breytingar í gangi innra og ytra með þér
á þinn hátt
Já þetta verður allt betra
um leið og þú ferð alla leið útúr síðustu hulunni, leysir síðustu flækjuna, síðasta hlekkinn og finnur púslið í spilinu sem þú ert vafin í
um leið og þú sleppir takinu á því sem heldur aftur að þér
hlúðu vel að þér
veldu kærleika og mýkt
hlúa að og sá
og hún mun umvefja
og hann um hana
við finnum að öll saman
erum við eitt
♥

ég elska ykkur öll
við elskum okkur öll
ég elska mig
því ég elska þig
♥

fylgdu innsæinu
það mun leiða þig
áfram þinn veg


Lullaby fyrir svefninn, djúpan heilandi svefn, hreint hjarta og tæra meðvitund á sannleikanum ♥

bestu kveðjur
gerðuvel - hlýjar kveðjur
Gerðu Yoga

Lögmálið Um Vandamál

...svona í umræðunni á lögleiðingu á því sem er í dag ólöglegt, sem er orðin sífellt hærri í samfélaginu, þá er mikið talað um "vandamálið" sem allir eru svo smeikir við, það gæti orðið verra eða hvað?

Það hlýtur allavega að vera merki um framför ef samfélagið er að verða tilbúið til að ræða vandamálin sem herja á fólk alla daga, í einu formi eða öðru
Flestallir upplifa ákveðnar mótsagnir í lífi sínu, ýmis mál koma upp

Hvað gerum við svo varðandi erfiðustu og viðkvæmustu málin?
felum þau með því að gera þau ólögleg, felum þau eins og Eva gerði í sögunni um óhreinu börnin

Með því gerði hún "vandamálið" sitt töluvert verra, börnin urðu huldufólk!
Ef hún hefði bara sýnt Guði óhreinu krakkana...

Þetta lögmál gildir um öll vandamál; þó eitthvað verði gert löglegt þá er vandinn alls ekki sjálfkrafa horfinn eða orðinn meiri/minni
Að sama skapi lagar það ekki nokkrun skapaðan hlut að gera eitthvað ólöglegt/bannað, því þar með ertu búin að henda því inní skáp og enginn veit hvað gerist eftir það!

Ef um vandamál er að ræða þá er orsökin allt önnur en afleiðingin, okkar hinna að veita nærveru og hlú að.
og ættu allir einstaklingar í neyð að geta leytað aðstoðar og ekki átt hættu á að vera dæmdir til refsingar fyrir atferli sitt og tilveru sína

Ef einstaklingur skaðar sjálfan sig eða aðra, á að vera hægt að astoða manneskjuna að breyta til batnaðar

Það er fáránlegt að ætla að segja "bannað/ólöglegt" og telja þar með sig vera fyrir ofan það hafin að viðurkenna vandann og gera sitt besta til að taka á honum

Hversu lengi ætlum við að halda áfram að skaða hvort annað með dómhörkunni, það væri nær lægi að líta í eigin barm og athuga hvort við eigum ekki eitthvað í hjartanu okkar til að horfast í augu og standa saman með hvert öðru

Við höfum öll fallegar gjafir að gefa, sumir hafa bara gleymt hvar þessar gjafir eru faldar og hvernig á að gefa þær
Þegar þú gefur öðrum gjöf frá hjartanu, gefur þú þér gjöf
<3

Frelsaðu hugann

Undanfarið hefur hugleiðsla verið áberandi, slökun ýmisskonar og fleira tengt
Eftir að hafa iðkað hugleiðslu undanfarið hefur ýmislegt komið í ljós og í dag sá ég athyglisverða mynd sem ég tengdi við einn helsta tilgang hugleiðslu

Sunnudagsmyndin var "the matrix" (sem tók mig 13 ár að verða tilbúin að meðtaka)
Mjög athyglisverð mynd með umhugaverða ádeilu, hvet eindregið alla til að sjá hana,
-mér þykir þó alltaf leitt að sjá þá tímans raun, þegar vopn eru eina leiðin gegn óréttlæti

Ein setning í myndinni sat sterklega eftir:

"the body can not live without the mind in the matrix - free yourself from the matrix"

Öll erum við að leita að sannleikanum, sumir gefast þó upp á leiðinni og gefa eftir inn í veraldlega heiminn (maya) því leiðin er löng... við vitum yfirleitt ekki einu sinni hvar við eigum að leita

Eitt er þó víst að þegar við uppgötvum að hvorki hugurinn né líkaminn segja til um hvað eða hvar við erum, þá erum við farin að skilja að það er sjálfið/sálin sem sendir öll boð til huga og líkama

Hugleiðsla er leið til að komast að sjálfinu sem veitir sannleikann og svörin
Ég hvet alla til að veita sér slökun amk einu sinni í viku og skynja það sem hjartað slær fyrir,
hugleiðsla hefur ekkert með leiðslu að gera, sjálfið einfaldlega þjálfast í að leiða hugann, saman hönd í hönd

Hugurinn er ekki óvinur okkar, en margir hafa einhvertíman á lífsleiðinni gefið eftir og þá getur utanaðkomandi áreiti leitt huga manneskjunnar inn í ákveðna mótun/formun
Í þannig ástandi höfum við upplifað fordóma gagnvart okkur sjálfum og öðrum

Hugleiðsla leysir okkur undan flækjum sem þessum og fölskum sýnum

Við þurfum ekki að álasa okkur fyrir að hrasa eða falla um staðalímyndir þess samfélags sem við búum við, lærum samt að standa upp og læra af fallinu til þess að forðast endurtekningu,
- allt sem ekki er orðið, má forðast

Ef við fylgjum okkar sannleika og þeim svörum sem fást gegnum hugleiðslu, náum við að rétta okkur af. Þá látum við okkur fátt um finnast um efnisheiminn, við skiljum að hamingjan, kærleikurinn og friðurinn kemur innanfrá

Til þeirra er hugleiða og ætla að hefja slíka iðkun, vil ég segja eitt :

Treystu þeirri sýn sem þú upplifir þegar þú finnur að hjartað slær í takt, það krefst hugrekkis að ganga áður óþekkta slóð

- Om Shanti - er hentug mantra fyrir grunnhugleiðslu, en það táknar " ég er friðsæl sál"

Eina leiðin til að frelsa hugann og þar með likamann, er að komast að sálinni og leyfa henni að leiða þig áfram, þinn veg

<3

21.12.2012 hugleiðingar

Á vetrarsólstöðum síðastliðinn föstudag 21.12.2012 heyrðu margir talað um heimsenda, sumir í fyrsta skipti en aðrir voru meðvitaðir að þessi dagur væri að fara að renna upp, margir höfðu hugleitt vikum, mánuðum, árum, áratugum saman, meðal annars fyrir þessum degi

Allir sem kynna sér söguna á bakvið þennan merkisdag, munu uppgötva ákveðinn sannleika um heiminn eins og við sjáum hann í dag

En til að gera langa sögu stutta, bæði fyrir þá sem ekki hafa "tíma" fyrir að lesa mikið eða horfa á heimildamyndir (en samt.. endilega reynið að gefa ykkur tíma fyrir það) þá gerðist þetta sl 21.12.2012 : þetta var endir á 25.920 ára hringferðalags jarðarinnar í ákveðnum spíral, með öðrum orðum; jörðin var að ljúka sinni eigin hringferð. Það tímabil sem við vorum í var öld Fiskanna og á þeirri öld komu fram margiri meistarar, kallaðir guð, en þar sem meistararnir birtust fólki um allan heim og af þeim sökum að til eru mismunandi menningarheimar og mismunandi trúarbrögð, þá komu allar þjóðir með sína eigin skilgreiningu, nafn og einkenni fyrir guð

og þjóðirnar rifust um sinn sannleika við hvorn annan, ofbeldi varð til
en sannleikurinn var sá að ein þjóð sá guð með bláum gleraugum, önnur þjóð með gulum, enn önnur með bleikum...

Við sjáum öll sannleikann með okkar eigin augum, við sjáum mismunandi mikið blátt og mismunandi mikið rautt...

Virðum sannleika hvors annars alla leið, í samhljómi, einingu og virðum hvort annað, alveg jafn mikið og við virðum okkur sjálf, ekki neitt meira og ekki neitt minna

og til að ljúka stuttu sögunni: það sem gerðist þann 21.12.2012 var að ákveðinni hringrás lauk, öld Fiskanna lauk og það var hinn raunverulegi heimsendir, ný öld var komin inn í það miklu magni að hin öldin er alveg að fjara út, eftir 20 ár, verðum við svo alveg komin inn í öld vatnsberans, og það.. eiga víst að vera alveg gullnir tímar fyrir alla
Öld Vatnsberans er hin gyllta öld, oft kennt við Atlantis, Lemuria og MU (ef þið vitið ekkert um það, lesið ykkur endilega til) og þá munum við læra að búa í friðir, kærleika og hamingju, í sátt við hvort annað, í sátt við náttúruna og allt sem er, því allt er

Smám saman geta allir auðveldlega lært að tileinka sér þetta hugarfar, og treyst því að þetta sé mögulegt, við þurfum að læra að treysta og tengjast hvort öðru á nýjan hátt
Þetta eru þau verkefni sem bíða okkar mannkyns, að læra að fyrirgefa sér eins og öðrum, lifa í friði, sátt,  samkennd, hjálpsemi, ofbeldisleysi og skilyrðislausum kærleika, leyfa hvort öðru að láta ljós sitt skína
það er svo gott að vera góður, ef við erum góð við okkur þá getum við verið góð við aðra
"Fyllum okkar könnu af fersku vatni alla daga og hellum úr henni yfir daginn og skiptum um vatn daglega"

Öld Vatnsberans, er vatnið, mýktin

eins og hugsuður eitt sinn mælti, "vertu eins og vatnið, það eitt getur fundið sér leið gegnum fjöll, en samt alltaf verið mjúkt"

já það var heimsendir, það var mjúkur heimsendir

Elsku vinir, vinsamlega takið frá allavega einn andardrátt með lokuð augu, fyrir
"Hugleiðslu á fullu tungli, föstudaginn 28.des"
alveg sama hvenær, alveg sama hvar, fyrir ykkur sjálf og alla aðra, því við erum öll eitt saman í ljósinu

Búið til ykkar eigin einlægu ósk og bæn, sendið hana út, eins mikið og þið viljið, hvenær sem er eða notið hugleiðslu tillögu 1 (sjá að neðan)

Það er gott að nota fullt tungl til að njóta þeirra óska sem lagðar voru út á nýju tungli til að byrja með, og á fullu tungli er notið óskanna, strax næsta dag er hafinn nýr tunglgangur og tími til að endurnýja óskirnar eða/og leggja fyrir nýjar

Allir geta notið orkunnar á fullu tungli og þakkað fyrir það sem þú ert og fyrir það sem þér hefur verið veitt, svo getur þú endurskoðað stöðuna og lagt fram nýja bæn ef það er eitthvað sem þú sérð að gæti verið betra fyrir lífið þitt, líf heimsins sem þú sérð

Hugleiðslu tillaga 1: 
komið sér fyrir í öruggu og notalegu rými, lokuð augu, afslöppuð staða með beinan hrygg, lófar upp, hvirfill upp
anda inn: "ég bið fyrir friði, kærleika, hamingju
halda inni í 1 sek - vera í þögnni þegar allt er stopp
anda frá: "samkennd, skilyrðislausri ást og fyrirgefningu"
halda andanum frá í 1 sek - vera í þögninni þegar allt er stopp
staðhæfing : "því ég er allt og allt er eitt"

þetta er hægt að gera allt frá einum andardrætti og endurtaka að vild eftir

ef við setjum þessa bæn inní næsta tunglhring sem byrjar næstu nótt á eftir, þá erum við að senda bæn sem allir geta tengt við og vilja samþykkja

gerum heiminn okkar betri saman
því við erum öll eitt

p.s fyrir yogaághugasama:
allir velkomnir í slökunaryoga í Jóga Stúdíó, Seljavegi 2, 2 hæð kl 17:20 sem ég leiði með þessari hugleiðslu
ein <3